Familia Jape Kontenti Kontsroi Edifisio Administrasaun Postu Maubara

Smnewstl.com 05-05-20222 (Maubara) – Familia Jape liu husi kompanhia Dili Development, Lda (“DDC”) ho kontenti anunsia ba publiku katak totalmente kompleta ona konstruksaun ba edificiu foun iha Postu administrativu Maubara iha loron 10 Febreiru 2022, no seremonia abertura halao ona iha loron, 3 de Maio 2022.

Tuir komunikadu ne’ebe Smnews asesu komfirma, konstrusaun ba edificiu ne’e komesa hahu iha loron 9 Janeiru 2022, no durante nee hetan inpedimentu tamba pandamia covid-19. Maibe liu husi servisu no esforsu an makas husi parte hotu ne’ebe involve, no hetan suporta mos husi autoridade lokal no Governu nasional, konstrusaun ba edificiu ne’e agora remata ona. Edificiu ho medida 331.5 metros quadrados agora prontu ona hodi uja no serve populasaun Maubara.

Membru Familia Jape (Liu husi DDC) servisu hamutuk no akumula recursos hodi halo planu, dezenhu no konstrui ba edifisiu ida nee. Familia Jape sente orggulhu tebes, hodi hola parte iha projetu ida nee, tamba Maubara nudar sira nia moris fatin.

Familia Jape espera katak edifisiu foun dia ne’e sei ajuda atu lori atendementu ne’ebe diak ba Maubara oan, atu promove turismu  lokal no sei hadia ekonomia lokal.

Familia Jape aproveita oportunidade ida ne’e atu hatudu sira nia apresiasaun ba ema hotu ne’ebe involve no suporta iha projetu ida ne’e, liu-liu ba autoridade lokal no Governu Nasional.

ISTORIA BADAK KONA BA FAMILIA JAPE NO DDC

Familia Patriakal Jape (Sr. Jape A Lem) mai Timor Leste no hela iha Maubara iha tinan 1910. Nia familia iha negosiu oin-oin inklui exportasaun kaffe nian. Nia oan, Sr. Jape Kong Su, mak hari Kompanhia DDC hamutuk ho nia oan nain rua (Alan Jape no Tony Jape) sira iha vizaun atu tau Timor Leste iha Mapa Global Turismu nian. Sira nia projetu prinsipal mak Timor Plaza/Dili Central iha kapital, Dili. DDC kontinua habelar ninia portofolio ho objektivu atu hadia ekonomia nasional.

Sr. Kong Su ho nia oan nain rua seluk: Ian Jape no Kenny Jape halo kontribusaun osan boot ba projetu ida nee, Kenny servisu ho ninia Avo atu tau matan ba negosiu familia nian husi tempu uluk kedas nia mos hela iha Timor Leste iha tinan balun hodi prejerva ou maintain koneksaun familia nian ba nasaun ida ne’e, no espesialmente ninian rai moris fatin Maubara, ne’ebe ohin loron halo sira nia familia bele ajuda atu hari fila fali nasaun ida ne’e no atu fo kontribusaun hodi benefisia Maubara Oan sira.

Ami senti kontenti katak Sr. Kong Su bele fila fali mai iha Dili atu atende seremonia abertura ba edifisiu foun Postu Administivu Maubara. (*/rio)