PM ho Delegasaun to’o Ona Xina, Simu ho Parade Agradesimentu

Smnewstl.com (Xina) – Primeiru Ministru Kay Rala Xanana Gusmão too ona sidade Hangzhou Repúblika Popular Xina.

Xefe Governu Xanana viagem hosi Singapura ho aviaun Xianmen Airlines-MF874 too Aeroportu Internasionál Hangzhou Xiaoshan iha oras 19:35 kalan no kontinua kedas ba fatin boas-vindas hodi simu aifunan fresku hosi estudante sira akompaña direita hosi Ministru Transporte Xina, Li Xioa Peng, Vice Governador Provinsia Zhejiang, Li Yanyi no Embaixadora foun Xina ba Timor-Leste, Wang Wenli akompaña mós hosi Embaixador Timor-Leste ba Xina, Abrão Santos, no Xefe Delegasaun Timor-Leste ba ASIAN GAMES, Mateus da Cruz ho ekipa kontinua simu ho formatura parade militár no estudante hodi hananu muzika bem-vindo no dansa tradisionál Xina nian.

Hosi Aeroportu ekipa kontinua desloka kedas ba Otél Sofitel ne’ebé prepara ona, no kontinua enkontru kedas ho Embaixador Timor-Leste ba Xina, Abrão Santos hodi atualiza agenda partisipal aberuta eventu ASIAN Games 2023 ba dala-19 no deskute mós agenda prinsipal reniaun bilaterál, Xefe Governu Xanana ho delegasaun membru governu ho Prezidente Repúblika Popular Xina, Xi Jimping ho membro governo iha iha loron 23 Setembru 2023.

Vizita ne’e, akompaña direita hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Ministru Administrasaun Estetal, Tomás do Rosario Cabral, Ministru Planeamentu Investimentu Estrateziku, Gastão de Sousa no Eis membro Governu, Asesor Prinsipal, Ministériu Planu Investimentu Estrateziku, Julio Tomas Pinto.

Hangzhou nu’udar sidade ida hosi Provinsia Zheuhiang ne’ebé Prezidente Ji Ximping deside hodi hala’o eventu ASIAN Games 2023 ba dala-19, tanba sidade ne’e nu’udar provinsia istórikuXina hahú ninia prosesu dezenvolvimentu infraestrutura no ekonomia forte mai too ohin loron. (Smnews)