Smnewstl.com—Prezidente Repúblika, José Ramos-Horta, Sábadu (16 Agostu 2025) ne’e halo vizita ba Binani-Mindelo, Turiscai, hodi fó homenajen ba Mártir Nasionál Nicolau dos Reis Lobato no mos mártir sira seluk no hateten katak sira nia memória labele haluha tanba hanesan parte fundamental husi identidade no luta povu Timor-Leste nian.
Iha nia diskursu, Prezidente Ramos-Horta subliña katak katak Nicolau Lobato la’ós líder radikál, maibé líder humanista no unifikador ne’ebé hetan admirasaun husi ema hotu, inklui husi partidu UDT no APODETI.
“Laiha Timor oan ida bele hateten Nicolau Lobato radikal, maibé hotu-hotu admira nia lideransa,” Ramos-Horta hateten.
Prezidente mos rekorda momentu triste loron 31 Dezembru 1978, wainhira notísia Nicolau Lobato nia mate to’o iha Dili. “Ema hotu-hotu silénsiu, no laiha partidu polítiku ida haksolok iha momentu ne’eba,” nia hateten.
Nia akresenta tan katak Nicolau Lobato simu todan bo’ot, nu’udar Prezidente FRETILIN husi Xavier do Amaral no sai Prezidente Repúblika ida ne’ebé povu Timor rai hela iha nia memória hanesan Símbolu Unidade Nasionál (*/Smnews
Beta feature
Beta feature
Beta feature
Beta feature
Komentariu