Smnewstl.com | Dili, 15-04-2026– Ekipa Designadu Husi Timor-Leste No Austrália Ba Negosiasaun Projetu Greater Sunrise Finaliza Iha Fulan Marus, Kódigu Mineiru Ba Petróleu, Ne’ebé Sei Sai Hanesan Guiaun Prinsipal Ba Explorasaun, Dezenvolvimentu No Jestaun Rekursus Petrolíferu.
Hafoin Enkontru Ho Reprezentante Espesiál Husi Austrália Ba Projeto Greater Sunrise, Katrina Cooper No Embaixadora Austrália Ba Timor-Leste, Caitlin Wilson, Ministru Petróleu No Rekursus Minerais Tenik Katak, Finalizasaun Kódigu Mineiru Ba Petróleu (PMC – Sigla Iha Inglez), Simboliza Akordu Inisiál, Hodi Prosede Ba Diskussaun Regime Fiskal (Fiscal Regime) No Kontratu Fahe Produsaun (Production Sharing Contract).
Tuir Ministru Francisco Monteiro, Dokumentu Ne’ebé Ekipa Designadu Deskuti, Konsta Mos Dispozisaun Sira Kona-Ba Papél Estadu Timor-Leste No Austrália, Atu Orienta No Akompaña Ba Dezenvolvimentu Kampu Petrolíferu Ne’e, Inklui Realizasaun Estudu Konjunta Hamutuk Ho Empreza Woodside Iha Natarbora No Mos Iha Offshore.
Ekipa Designadu Husi Timor-Leste No Austrália Kontinua Halo Diskussaun Intensa, Hodi Finaliza Kestaun Pendente Assosiadu Iha Kontradu Fahe Produsaun No Rejime Fiscal Ne’ebé Define Devér No Obrigasaun Husi Produsaun No Benefísiu Ne’ebé Hetan Husi Prosesu Explorasaun No Mos Prepara Ronda Negosiasaun Prezensiál Ne’ebé Sei Realiza Iha Fulan Jullu Iha Timor-Leste No Iha Cambera Austrália.
Hafoin Finaliza Enkuadramentu Legál No Kontratuál Sira Ba Dezenvolvimentu Greater Sunrise, Empreza Joint Venture Tenke Submete Konseitu Ba Dezenvolvimentu Ba Projetu Greater Sunrise, Hodi Permite Estadu Australiana No Timor-Leste Atu Deside Konseitu Úniku Ne’ebé Tenke Avansa. Ba Timor-Leste, Governu Defende Firmamente Katak, Kadoras Husi Greater Sunrise Dada Mai Timor-Leste, Hodi Prosesa Iha Natarbora.(/SMnews)
Komentariu