Smnewstl.com | Dili, 10 Novembru 2026 – Ministru Obras Públikas (MOP), Samuel Marçal, konfirma katak,infraestrutura lampu iluminasaun (Lampu Jalan),públika iha área Kansafar, Munisípiu Dili, hetan estragu tanba akidente tráfegu ne’ebé envolve veíkulu sira.
Ministru Samuel Marçal esplika,katak lampu iluminasaun públika ne’ebé instala iha área refere atu ilumina estrada no fasilita movimentu tráfegu durante kalan, monu no hetan estragu depois de hetan kolizaun ho kareta no motorizada.
“Lampu iha Kansafar, iha rua ka tolu mak kareta soke, hodi halo lampu iluminasaun ne’e estraga hotu”, Ministru MOP ne’e dehan ba jornalista sira iha Parlamentu Nasionál.
Ministro konfirma katak,estragu ne’e akontese tanba kolizaun ho veíkulu sira, ne’ebé hamosu preokupasaun kona-ba manutensaun no protesaun ba infraestrutura públika.
Infraestrutura iluminasaun públika iha estrada importante tebes atu ajuda kondutór sira haree dalan ho klaru, hamenus risku akidente no garante seguransa ba utilizadór estrada sira, liuliu durante kalan.
Tanba ne’e, presiza iha atensaun ba utilizasaun no protesaun infraestrutura públika, atu evita estragu tanba akidente tráfegu no garante katak ekipamentu ne’e bele kontinua fó benefísiu ba komunidade
Komentariu