Smnewstl.com, Dili 11 Novembru 2026-Parlamentu Nasionál aprova iha generalidade Proposta Lei Orsamentu Jerál Estadu (OJE) 2027, ne’ebé aprezenta husi IX Governu Konstitusionál, iha kuarta-feira, 11 Novembru 2026, iha Díli, depois hala’o debate parlamentár durante loron tolu kona-ba prioridade no opsaun orsamentál Governu nian ba tinan oin.
Proposta ne’e hetan votasaun ho rezultadu XX votu favor, XX votu kontra no XX absteinsaun, ho montante orsamentu global konsolidado hamutuk US$ 2.568,5 millaun, tuir lema “Hametin Reziliénsia Liuhusi Transformasaun: Diversifika Ekonomia ba Futuru Sustentável”.
IX Governu Konstitusionál define diversifikasaun ekonomia, investimentu produtivu, kriasaun empregu, hadi’a servisu públiku no sustentabilidade finansas públikas nu’udar prioridade prinsipál iha proposta OJE 2027. Prioridade hirak ne’e alinha ho Programa Governu nian no Planu Estratéjiku Dezenvolvimentu 2011–2030.
Iha abertura debate parlamentár, iha loron 9 Novembru, Primeiru-Ministru Kay Rala Xanana Gusmão destaka importánsia jestaun rekursu finanseiru Estadu nian ne’ebé rigorozu no responsavel, hametin kapasidade produtiva nasionál no hamenus dependénsia ba reseita petróleu ho maneira progresiva.
Xefe Governu mós subliña katak proposta orsamentál ne’e prepara ho abordajen ne’ebé orienta ba polítika públika, ho perspetiva tinan lima, atu liga alokasaun finanseira ho programa no rezultadu ne’ebé hein atu alkansa. Abordajen ne’e sei permite avaliasaun ne’ebé rigorozu liután kona-ba utilizasaun rekursu públiku.
Ba tinan 2027, OJE prevê investimentu públiku hamutuk US$ 535,3 millaun, husi montante ne’e US$ 505,8 millaun destina ba projetu kapitál dezenvolvimentu.
Área sira ne’ebé sai prioridade ba investimentu inklui infraestrutura, agrikultura, turizmu, saúde, edukasaun, protesaun sosiál no dezenvolvimentu lokál.
Proposta ne’e mós inklui medida atu hadi’a efisiénsia gastu públiku no hametin reseita interna, inklui reforma iha jestaun finanseira Estadu nian no apoiu ba dezenvolvimentu setór privadu, ho objetivu atu diversifika fonte kresimentu ekonomia nasionál.
Komentariu