Smnewstl com – Ministra Edukasaun hamutuk ho Xefe Gabinete Sekretáriu Estadu ESJETV Napoleão de Araújo Santos Lima, asesór/a ho ekipa Ministériu Edukasaun nian partisipa iha ba selebrasaun loron masakre santa-kruz ba dala-32
Iha homília amu selebrante Pe. Evaresto António da Costa hateten, husi Igreija Motael mai Santa-Kruz ne’e perkursu orasaun nian hodi lori ai-funan ba semitériu, maibé to’o iha ne’ebá mosu fali masakre ida ne’ebé ema barak mak lakon hodi sakrifika nia-an ba luta ne’e to’o hetan liberdade.
“Timor konsege hetan ona liberdade, agora oinsá mak ita kaer metin konseitu liberdade ne’e hodi uza matenek atu bele goja, tanba moris iha liberdade ne’e atu moris ne’e sai di’ak liu la’os atu mate fali, hamutuk sai ida de’it iha Timor no halo Timor ida matenek”, dehan amu selebrante.
Hafoin remata misa Ministra Edukasaun hamutuk ho amu selebrante, saudozu Sebastião Gomes nia mama ho papa, sobrevivente Masakre Santa-Kruz husi nasionál no munisípiu inklui sarani sira hodi ba tau ai-funan iha rate hanesan setimentu omenajen ba saudosu sira hotu ne’ebé sakrifika sira nia-an ba luta libertasaun nasionál liu-liu akontesimentu masakre santa-kruz iha tinan 1991.(Smnews)
Komentariu