Smnewstl.com—Programa Nasaun Unidas bá Dezenvolvimentu (PNUD), liu-hosi reprezentante iha Timor-Leste (TL), Katyna Argueta introdús bá Primeiru-Ministru (PM), Kay Rala Xanana Gusmão kona-bá programa prioridade sira ne’ebé iha ligasaun ho programa IX Governu Konstitusionál ne’ebé atu implementa iha Timor-Leste.

Lee Mós:
Timor-Leste Selebra Akordu Kona-ba Viza Lívre ho Singapura ba Periodu Loron 30

ADVERTISEMENT
SCROLL FILA BA NOTISIA


Atualizasaun ne’e liu-hosi enkontru formál ne’ebé hala’o iha Palásiu Governu, kinta (23/01/2025).

“Enkontru interesante tebes ho Primeiru-Ministru. Ami ko’alia kona-bá prioridade sira ne’ebé Timor-Leste iha liga ho dezenvolvimentu. UNDP hahú nia siklu planeamentu foun liga ho programa prioridade sira Governu nian,” Katyna Argueta hateten.

Lee Mós:
PM Xanana Apela ba Nasaun Hotu Atu Hanutuk Buka Solusaun Paz ba Ukrania

Xefe Governu mós atualiza programa IX Governu Konstitusionál nian ne’ebé kobre prioridade sira to’o área rurál.

UNDP maka Ajénsia Nasaun Unidas nian ne’ebé aborda kona-bá dezenvolvimentu ho nia projetu sira iha seitór prinsipál tolu mak hanesan apoia programa desentralizasaun, apoia dezenvolve Balkaun Úniku, no apoia foin-sa’e sira atu partisipa ativu liután iha públiku.

Lee Mós:
Autoridade Protesaun Sivíl Sei Hasai Komunidade Ne'ebé Hela Iha Área Rísku Dezastre

Seitór seluk ne’ebé UNDP apoia maka proteze ambiente, responde bá mudansa klimátika, sustentabilidade no reziliénsia.(*/Smnews)

Lee nain: 1,123