Smnewstl.com | Ainaro, 01 Maiu 2026 – Polísia Nasionál Timor-Leste (PNTL) Municipio Ainaro konsege trava tentativa halai husi suspeitu na’in sanulu resin ida (11) ne’ebé antes ne’e envolve iha kazu scamming online iha kapital Dili, no nia prosesu lao hela iha Tribunal.
Suspeitu sira ne’e, tuir informasaun ofisiál, uluk hetan kaptura husi PNTL iha área Zita Plaza no Colmera, no prosesu judisiáriu sei lao hela iha tribunal.
Iha momentu ne’ebá, autoridade judisiál aplika medida koasaun aprezentasaun periódika, ne’ebé obriga sira atu relata a’an regularmente ba autoridade.
Maibé, iha dezenvolvimentu foun, suspeitu sira ne’e tenta atu halai sai husi teritóriu Timor-Leste hodi evita responsabilidade legal. Ação ne’e la konsege tanba PNTL Munisípiu Ainaru halo operasaun rápidu hodi identifika no detén fila-fali grupu ne’e.
Depois detensaun, autoridade sira lori suspeitu hotu ba DNSIK (Direção Nasionál Servisu Investigasaun Kriminál) iha Komandu Jerál PNTL, Kaikoli, atu kontinua prosesu investigasaun no asegura katak lei sei aplika ho rigor. (/SMnews)
Komentariu