Smnewstl.com 11-09-2021(Dili)-Populasau iha Kapital Gleno, Municipio Ermera li-liu Aldeia Hatuposi, Suco Ponilala foin lalais ne’e hakfodak tebes ho bebe ida ne’ebe moris mai ho kondisaun laiha espasu soe foer bo’ot.
Bebe identifikado mane ne’e moris deit iha rezidensia Aldeia Hatuposi, Suco Ponilala, loron 20 Agosto 2021.
Bebe refere konsiderado moris la normal tamba laiha kondisaun ba soe foer bo’ot (kidun tomak).
Ho kondisaun ne’e, familia deside lori ba Hospital referal Gleno, hafoin parte dotor rekomenda hikas fali ba iha Hospital Nacional Guido Valadares Dili no dadaun ne’e hetan hela tratamentu.
Hare tia kondisaun Bebe no submete tia ba operasaun husi Dotor Espesialista, maibe laiha mudansa no tuir planu sei halao tan operasaun dala ida.
Nudar inan, Madalena de Jesus haktuir senteimentu triste tebes tamba hare oan mane ida ke moris mai ho kondisaun la normal hanesan ho labarik sira seluk.
Esforsu hotu ami halo ona, lori tia Hospital Gleno maka rekomenda fali mai Dili no halao ona operasaun dala ida no atu ba tan dala rua, maibe seidauk iha naroman ruma.
“Hanesan inan, hau hasae deit orasaun ba aman maromak atu haraik netik grasa nunee ami nia oan bele rekopera no saudavel (normal) hanesan oan sira seluk,”nia husu.
Inan ba oan ne’e iha esperansa ida katak, bele hetan netik tulun husientudades ou organizasaun ruma buka dalan transporta ba rai liur karik iha rai laran la hetan solusaun.
“Nudar povu ki’k ne’ebe luta deit ba defende kabun, ami iha esperansa karik organizasaun ruma bele ajuda fasilita lori ba rai liur nune’e atan oan ne’e bele mos moris normal ho ema nia oan sira seluk,”nia hein. (Rio
Komentariu