Smnewstl.com|| MANILA, Filipinas, 15 Novembru 2026-Assosiasaun Nasoins Sudeste Aziátiku (ASEAN) aprezenta ofisialmente emblema foun ne’ebé reprezenta organizasaun rejionál ne’e ho Timor-Leste nu’udar membru ba-11, durante serimónia abertura Simeira ASEAN ba-49 no Simeira Relasionada, Domingu (15/11/2026), iha Manila, Filipinas.

Lee Mós:
DEZENVOLVIMENTU IHA MALIANA AVANSU BO’OT: MILITANTE FRETILIN 442 DESIDE AFILIA BA CNRT

Aprezentasaun emblema foun ne’e hala’o iha Philippine International Convention Center (PICC), ho prezensa líder nasaun membru ASEAN no delegasaun internasionál sira, inklui Primeiru-Ministru Timor-Leste, Kay Rala Xanana Gusmão.

ADVERTISEMENT
SCROLL FILA BA NOTISIA


Inkluzaun Timor-Leste iha emblema foun ASEAN ne’e reflete estatutu ofisiál nasaun ne’e nu’udar membru ba-11 organizasaun rejionál ne’e, depois tama ofisiálmente iha 26 Outubru 2025, durante Simeira ASEAN ba-47 iha Kuala Lumpur, Malázia.

Lee Mós:
Horta Nia Domin ba EhD Laiha Rohan

Emblema foun ne’e mós simboliza etapa foun iha istória ASEAN, ho Timor-Leste hamutuk ho nasaun membru seluk atu kontinua hametin unidade, solidariedade no kooperasaun iha rejiaun Sudeste Aziátiku.

Partisipasaun Timor-Leste iha serimónia importante ne’e hatudu nia prezensa nu’udar parte integrante husi família ASEAN, ne’ebé hamutuk ho nasaun membru sira sei kontinua promove integrasaun, estabilidade no dezenvolvimentu rejionál