smnewstl.com – Konsuladu Timor-Leste ba Atambua Indonézia, João Simão Sousa Tersa-feira (10/08/21) ohin ho ekipa protokolu halao vizita hodi haree direitamente kondisaun abitante Timoroan nain 113, inklui feto nain ualu (8) neebé kapturado Segunda Feira (09-08-202)1, no detein hela iha Sela.
Abitante Timoroan hirak nee tuir informasaun identifikadu nuudar membru Organizasaun Arte Marsiál Persaudaraan Setia Hati Terrete (PSTH) neebé autoridade seguransa detein, hafoin indentifika sira nia viazen ilegál hosi Timor-Leste tama ba Atambua hodi partisipa programa sae sabuk.
Tuir informasaun neebé Smnewstl.com rekolla, Konsuladu Timor-Leste, João Simão Sousa iha oras tuku 10:00 halao vizita no enkontru mós ho Komandante Polres Atambua hodi boku solusaun ba Timoroan hirak nee.
Dadaun nee, membru PSHT hirak nee autoridade seguransa Atambua sei detein iha sela sela polisia Polda Atambua hodi hein prosesu investigasaun klean.
Abitante Timoroan sira neebé viazen ilegál ba Atambua kompostu hosi Postu Administrativu Zumalai-Covalima, Bobonaro, Ermera, Dili no munisipiu balun tan.(**)
Komentariu