Smnewstl.com || Nanning, China — 2 Setembru 2026 — Parque Industrial LiuJing, ne’ebé lokaliza iha parte leste husi Nanning, Guangxi, China, sai ona ida husi área industrial importante ne’ebé apoia dezenvolvimentu ekonomia no konektividade komérsiu iha rejiaun.

Parque industrial ne’e hahú estabelese iha Fevereiru 2002 no, iha tinan hanesan, hetan estatutu hanesan zona dezenvolvimentu autónoma iha nível rejiaun. Iha Janeiru 2010, LiuJing tama iha lista 14 parque industrial prinsipal iha Zona Ekonomika Beibu Gulf, Guangxi.

ADVERTISEMENT
SCROLL FILA BA NOTISIA


Iha Novembru 2021, konstrusaun Nanning Eastern Industrial New City hahú ofisialmente. Tinan ida depois, iha Abril 2022, Governu Rejiaun Guangxi aprova ona mudansa naran parque ne’e ba Nanning Eastern Industrial New City.

Tuir dadus ne’ebé aprezenta, to’o agora parque ne’e atrai ona empreza hamutuk 278, inklui empreza industrial 193. Hosi númeru ne’e, 68 empreza mak tama iha kategoria empreza ho eskala industrial boot.

Lee Mós:
Kooperasaun Timor-Leste ho Portugal Aposta ba Ekonomia Azul

Iha tinan 2025, valor produsaun industrial husi empreza ho eskala boot atinji RMB 18,723 biliaun, ka aproximadamente RMB 18,7 biliaun, ho kresimentu 15,88% kompara ho tinan anterior.

Investimentu iha patrimóniu fixu mos atinji RMB 7,537 biliaun, aumenta 16,71% kompara ho tinan 2024. Enkuantu investimentu industrial atinji RMB 7,347 biliaun, ho kresimentu 15,43%. Investimentu iha projetu dezenvolvimentu iha rai atinji RMB 3,508 biliaun.

Iha área reseita, reseita fiskál parque ne’e, la inklui devolusaun impostu, atinji RMB 559 miliaun.

Indústria oioin

Parque Industrial LiuJing desenvolve indústria iha área oioin, inklui prosesamentu papel no produtu papel, enerjia no enerjia foun, prosesamentu produtu agríkola, materiál konstrusaun, materiál químiku foun, fabrikasaun ekipamentu no prosesamentu alumíniu.

Lee Mós:
Singapura Hein Atu Simu Timor-Leste Iha Família ASEAN

Entre empreza ne’ebé opera iha área ne’e inklui Nanning Sun Paper, CHN Energy Nanning Power Generation, Guangxi Jinli Cement, Nanning BYD New Materials no Nanning Chaoli Aluminum, entre empreza seluk.

Ligasaun ho Terusan Pinglu

Localizasaun LiuJing sai estratéjika tanba parque ne’e besik ho Terusan Pinglu, Belt and Road Initiative, New International Land-Sea Trade Corridor no Zona Ekonomika Beibu Gulf.

Ho kompleta Terusan Pinglu, distánsia transporte marítimu hosi Nanning ba tasi liuhosi Porto Qinzhou sei menus ba 291 km. Distánsia ida-ne’e menus liu 560 km kompara ho rota atual liuhosi Guangdong.

Lee Mós:
Xanana Gusmão Deklara, Preparadu ba Eleisaun Presidensiál, Laiha Razaun Atu Dada

Ho sistema transporte intermodal, inklui tasi–ferrovia, tasi–tasi no tasi–rai, Parque Industrial LiuJing planeia dezenvolve área Porto LiuJing sai rede transporte ne’ebé liga provínsia Yunnan, Guizhou, Guangxi no Guangdong.

Objetivu prinsipál mak fasilita movimentu sasán hosi rai laran ba tasi no hamenus tempu no kustu transporte.

Iha área aviasaun, parque industrial ne’e lokaliza aproximadamente ora ida nia viajen kareta hosi Nanning Wuxu International Airport, ne’ebé iha ligasaun aviasaun doméstika no internasionál.

Dezenvolvimentu Parque Industrial LiuJing no Terusan Pinglu konsidera importante atu aumenta konektividade transporte, fasilita komérsiu no hametin ligasaun ekonomia entre Guangxi, rejiaun sira iha China no merkadu ASEAN.(SMnews)

Lee nain: 4