Smnewstl.com || Nanning, China — 2 Setembru 2026 — Delegasaun ne’ebé hala’o vizita iha Nanning, Guangxi, kontinua programa ho vizita ba China Railway Nanning Bureau Group Co., Ltd., atu aprende kona-ba teknolojia no sistema operasaun ferroviária moderna.
Iha vizita ne’e, delegasaun sira hetan oportunidade atu haree diretamente fasilidade simulasaun kondusaun no treinamentu EMU (Electric Multiple Unit). Fasilidade ne’e uza atu suporta treinamentu no preparasaun ba operadór ferroviária antes sira hala’o operasaun tren iha situasaun real.
Vizita ne’e fó oportunidade ba partisipante sira atu komprende liután kona-ba teknolojia simulasaun, treinamentu operadór, seguransa no efisiénsia iha operasaun tren EMU.
Atividade ne’e mós sai oportunidade importante atu aprende husi esperiénsia China iha dezenvolvimentu no modernizasaun sistema transporte ferroviária, ne’ebé bele sai referénsia ba dezenvolvimentu konektividade no transporte iha futuru.(Smnews)
Komentariu