SMnewstl.com Dili, 23 Abril 2026 – Singapura sai ona palcu importante ba kontinuidade negosiaun fronteira marítima entre Timor-Leste ho Indonézia,ne’ebe Primeiru-Ministru Kay Rala Xanana Gusmão rasik sei lidera.
Hafoin hasoru malu ho Prezidente Republika Jose Ramos Horta iha Palasio Prezidencial kinta ne’e ,Primeiro ministro Deklara katak,negosiaun ida ne’e tama ona ba etapa krusial hodi diskute delimitasaun fronteira iha tasi, ne’ebé konsidera importante ba soberania no aproveitamentu rekursu naturál Timor-Leste nian.
PM Xanana hato’o katak prioridade principal mak atinje solusaun final ne’ebé justu, sustentável, no bele fó benefísiu diretu ba povu Timor-Leste.
Nune’e Primeiru-Ministru Kay Rala Xanana Gusmão sei halo viajen ba Singapura hodi partisipa iha terceira ronda negosiaun fronteira marítima entre Timor-Leste no Indonézia ne’ebe sei akontese iha semanaa oin.
Primeiro ministro mos hatete katak negosiaun ne’e importante tebes atu asegura klaridade fronteira marítima no garante benefísiu ba povu Timor-Leste, liu-liu iha área rekursu naturál sira
Negosiaun entre Timor-Leste ho Indonézia ne’e kontinua depois ronda dahuluk no daruak ne’ebé konklui iha tinan kotuk, no agora tama ona ba faze importante iha Singapura.(/SMnews)
Komentariu