Smnewstl.com-Dili, 29 Abril 2026 – Polisia Nasionál Timor-Leste (PNTL), Liu husi Diresaun servisu Investigasaun Kriminál (DSIK) identifika sidadão ida ho inisial PPDS ne’ebe suspeitada envolve iha krime burla, liu husi falsifikasaun dokumentu kona-ba “dedikasaun eskluziva” atu bele simu pensaun husi Estadu.
Iha operasaun ne’ebe realiza Kuarta-feira tuku 11 dader, iha edifísiu Konsellu Kombatente Libertasaun Nasionál (CCLN) bazeia ba mandadu husi Ministériu Públiku.
“Ami nia servisu mak rekolla prova. Desizaun finál iha tribunál nia liman, Ita hotu tenki respeita prezunsaun inosénsia,” tenik Porta-voz PNTL internu superentendente asistente polisia Mouzinho Correia
Dadaun ne’e autoridade polisial kontinua intensifika investigasaun molok submete ofisialmente ba tribunal, hodi garante kklaridade no justisa ba parte hotu-hotu.
Komentariu