Smnewstl.com | Dili, 21 Abril 2026 – Nasaun Timor-Leste ho laran susar boot, simu notícia triste kona-ba mate derepente hosi Ministru Ensinu Superiór, Sieńsia no Kultura, José Honório da Costa Jerónimo, ne’ebé agora daudaun hela iha Mortuáriu Hospital Nacional Guido Valadares.

Tuir informasaun ne’ebé Smnews asesu hosi fonte konfiável, José Honório da Costa Jerónimo sofre atakasaun derepente iha edifísiu ida iha Dili.

Lee Mós:
Pessoa Eminente g7+ ho Preziente WLA-Cdm, Danilo Turk Diskuti Estabelesimentu Koperasaun
ADVERTISEMENT
SCROLL FILA BA NOTISIA


Hafoin akontesimentu ne’e, konsege lori na Hospital Nasional Guidu Valadares Dili hetan tratamentu emerjénsia maibe la konsege salva.

Maski esforsu hotu-hotu halao hosi equipa saúde, maibe vida Ministru la konsege salva.

Nia isin agora dadaun hela iha mortuáriu ospitál Guido Valadares Dili, hein prosesu tuir prosedimentu ofisiál sira.

Lee Mós:
Insendiu Karantina Tasi Tolu, Xanana Asegura Labarik No Inan Isin Rua Muda Ba Fatin

Mate derepente ne’e fó laran susar boot ba família, kolega nono governu Konstiitusional lideraldo Primeiro-Ministro, Kay Rala Xanana Gusmão no povu Timor-Leste tomak, tanba nia kontribuisaun iha área edukasaun no dezenvolvimentu rekursu umanu konsidera importante ba futuru nasaun.

Lee Mós:
Halo Identifikasaun, CAC Back-up husi PNSIK hodi Bolu Obrigatoriu Dirijente SERVE, I.P. Nain 8

Autoridade kompetente seidauk fó detalha kle’an kona-ba kauza exata hosi akontesimentu, maibé investigasaun no klarifikasaun sei kontinua atu fó informasaun kompletu ba públiku.

Nasaun agora iha momentu luto, hodi lembra no valoriza servisu no dedikasaun José Honório da Costa Jerónimo nian ba Timor-Leste. (/SMnews)

 

 

Lee nain: 356