SMnewstl.com | DILI, 16 Abril 2026 – Polísia Nasionál Timor-Leste (PNTL), liuhusi Eskuadra Dom Aleixo, konsege kaptura suspeitu nain lima ne’ebé alegadamente envolve iha kazu asaltu hasoru est(/SMnews)udante Universidade da Paz (UNPAZ), ne’ebé akontese iha área Escola hafoin video refere sirkula luan iha rede sosial.
Tuir informasaun preliminár ne’ebé SMnews hetan, operasaun ba kaptura suspeito sira ne’e hala’o iha área Efaka, Suku Manleuana, Munisípiu Dili. Suspeitu sira detekta no asegura kedas husi forsa seguransa.
Hafoin kaptura, PNTL lori kedas suspeitu sira ba Eskuadra Polísia Dom Aleixo atu submete ba prosesu investigasaun, hodi klarifika motivu no sirkunstánsia kompletu husi insidente ne’e.
Kazu ne’e hamosu preokupasaun boot iha rede sosial, liuliu tanba video ne’ebé hatudu suspeitu sira tama ba área UNPAZ no halo agresaun hasoru estudante ida, ne’ebé rezulta vítima monu ba rai.
Tuir informasaun adisionál, vítima nain rua mak hetan agresaun, no ida sofre kanek iha oin, aleijadu no sente moras tanba hetan tuku no baku makas.
Autoridade seguransa kontinua hala’o investigasaun atu identifika responsabilidade hotu no klarifika motivu di’ak liu kona-ba atake ne’e. (/SMnews)
Komentariu