Smnewstl-com-Díli-12 Maiu 2026 – The Japan-Australia Business Co-operation Committee (AJBCC) manifesta nia interese atu apoia dezenvolvimentu ekonómiku Timor-Leste liuhosi abertura sentru formasaun iha área negósiu no empreendedorizmu.

Interese ida-ne’e hato’o diretamente hosi Prezidente AJBCC, Michiaki Hirose, ba Primeiru-Ministru Kay Rala Xanana Gusmão iha enkontru ida ne’ebé realiza iha Palásiu Governu, tersa-feira (12/05).

Lee Mós:
SEATOU ho MOP Tuun Direita Hasoru Mari Alkatiri Kona-ba Projeito Drenajen iha Pantai Kelapa
ADVERTISEMENT
SCROLL FILA BA NOTISIA


Iha enkontru ne’e, Michiaki Hirose dehan katak AJBCC hakarak kontribui ba dezenvolvimentu setor privadu no kapasidade rekursu umanu iha Timor-Leste.

“AMI kontente tebes bele hasoru malu ho Primeiru-Ministru hodi diskute kona-ba relasaun ekonomia entre Japaun no Timor-Leste. Ami mós iha interese atu loke sentru formasaun negósiu ida iha Timor-Leste,” Michiaki Hirose hateten.

Lee Mós:
DESKONFIA MEMBRU TRANZITU TIRU JOVEN IDA IHA IRABIN DE BAIXO, VÍTIMA KONDISAUN GRAVE

Timor-Leste no Japaun durante ne’e iha relasaun amizade no kooperasaun ne’ebé metin iha área oioin, inklui ekonomia, edukasaun no dezenvolvimentu. Ho iniciativa foun ida-ne’e, AJBCC espera bele fó kontribuisaun atu fortalece liu tan setor negósiu no impulsiona kresimentu ekonomia nasional.

Lee Mós:
Mudansa boot Iha RAEOA: Governu Ezonera Lideransa Antigu no fó Poder ba Régio da Cruz atu Komanda Fase Foun

AJBCC rasik harii iha tinan 1962 ho objetivu atu promove kooperasaun ekonomia no oportunidade negósiu entre Austrália no Japaun, no hametin ligasaun entre komunidade emprezariál nasaun rua nian.

Iha enkontru refere, Prezidente AJBCC Michiaki Hirose akompaña hosi Embaixadór Japaun ba Timor-Leste, Yayushi Yamamoto.(SMnewstl/)

 

 

Lee nain: 214