SMnewstl.com | DILI, 16 Abril 2026 – Ekipa Diresaun Servisu Investigasaun Kriminal (DSIK) kontinua halo operasaun foun iha Armagen Bidau hodi foti kareta ida ne’ebé deskonfia forte utiliza hodi transporta osan falsu ba halo tranzasaun iha loja sira iha Dili laran.
Iha operasaun ne’e, autoridade sira mós lori hamutuk sidadaun xineza ida ne’ebé suspeitado envolvimentu iha rede osan falsu, no agora dadaun asegura hela iha sela polísia ba prosesu investigasaun klean liután.
Fontes siguransa hateten katak kareta ne’ebé asegura ne’e suspeita katak uza hanesan meiu prinsipál ba distribui osan falsu, ne’ebé depois utiliza hodi hola sasan iha loja sira, hodi halo prejuízu ba komersiante no ekonomia lokál.
DSIK asegura katak operasaun sei la para iha ne’e de’it, no promete atu kontinua buka no desmantela rede kriminal osan falsu ne’ebé bele halo instabilidade iha sistema finanseiru nasaun nian.
Autoridade sira apela ba públiku atu sempre alerta no relata atividade suspeita, atu prevene sirkulasaun osan falsu iha komunidade.
Enkuanto Autoridade Seguransa Detekta osan falso ne’e iha Armajen Xinesa ida iha Area Bidaun Santana iha Kuarte foin lalais ne’e, ho Montante osan Hamutuk Millaun Ha’at Resin.
Dadaun ne’e mos Evidénsia sira ne’e Parte Polisia Nasionál Timor-Leste Asegura ona iha Komandante PNTL hodi hein Prossesu Kontinuasaun Tuir lei ne’ebé Vigora iha Timor-Leste. (/SMnews)
Komentariu