Smnewstl.com 02-10-2021 (Dili) – Sabado dader ne’e mais ou menus tuku 4 ho balun jovens sira-ne’ebé halo ezersísiu iha área Cristo Rei, hakfodak bainhira haree motor mean ida ho modelu X’ray ho xapa matríkula G- 9909 TL ‘jempin’ tun bá tasi laran iha pasir putih Cristo Rei.

ADVERTISEMENT
SCROLL FILA BA NOTISIA


Asidenti akontese diskumfia kauza husi sidadaun ida nebe kondus motor refere ho kondisaun lanu no halai ho velosidade makas.

Lee Mós:
Harii Forsa Aereo, F-FDTL Haruka Membru Na'in 2 bá Eskola Iha Filipina ho Xina

Tuir informasaun ne’ebé smnewstl.com asesu husi pessoál seguransa balun ne’ebé fó seguransa bá Jardin Cristo Rei haktuir, asidente ne’e akontese iha sábdu dader ohin, mais ou menus tuku 4 ho balun.

Pessoál seguransa ne’ebé lakoi fó sai identidade ne’e informa, asidente ne’e mosu sira lahatene, tanba dok husi área ne’ebé mak sira fó seguransa bá.

Lee Mós:
Seidauk Selu Multa, Imigrasaun Notifika Membro GAM 600

Komandante Polísia Munisípiu Dili, Superintendente Henrique da Costa ho ekipa ne’ebe to’o kedas iha tereinu komunika kedas bá parte tránzitu seksaun investigasaun hodi bá foti kedas dadus, nune’e submete bá prosesu investigasaun.

Tuir informasaun, sidadaun ne’ebe kondus motorizada husi diresaun Cristo Rei ba Bidau maka rezulta asidente.

Lee Mós:
Marlboro Folin Menus, Suspeita Produtu Falsu no Ilegál

Vitima rasik ho kondisaun todanboituan tamba hetan ran barak iha fatin akontesimentu no kareta privado ida maka evakua ba Hospital Nacional Guido Valdares hodi hetan tratamentu.

Ba kazu ne’e rasik parte Polisia seidauk aprezenta pozisaun.(ant)