SMNewsTL.com | Dili, 12 Agostu 2026 — Polícia Nacional de Timor-Leste (PNTL) detein ona jovem mane ida ho inisial PFS, tinan 19 husi Laklubar Munisípiu Manatuto, ne’ebé alegadamente involve iha kazu hadau telemóvel no baku sidadaun nasionalidade Xina iha área Gan 45 hudi Laran, Suku Bairo Pite, Postu Administrativu Dom Aleixo Munisípiu Dili.
Suspeitu PFS, ne’ebé hela iha área Gan 45, alegadamente halo asaun hadau telemóvel hosi vítima no baku vítima durante akontesimentu ne’e.
Tuir informasaun ne’ebé hetan, kazu ne’e akontese iha horseik madrugada por volta iha tuku tolu, no PNTL halo intervensaun ohin no konsege asegura no detein ona hodi submete investigasaun kle’an liután.
Durante Kaptura Suspeito PNTL mos Hetan evidénsia telemóvel narka Oppo ida no agora kontinua prosesu investigasaun atu klarifika kronolojia akontesimentu, inklui motivu, maneira suspeitu halo asaun no situasaun vítima.
Suspeitu sei hetan prosesu tuir prosedimentu lei ne’ebé vigora iha Timor-Leste, no autoridade kompetente sei determina pasu jurídiku tuir rezultadu investigasaun.(SMnews)
Komentariu