Smnewstl.com (SÃO JOÃO, ANTÍGUA NO BARBUDA) —Primeiru-Ministru (PM), Kay Rala Xanana Gusmão hato’o sentidu solidariedade bá povu Papua Nova Guiné, liu-liu bá vítima sira ne’ebé sofre tanba dezastre naturál iha área foho Enga, sesta (24/05).

ADVERTISEMENT
SCROLL FILA BA NOTISIA


Sentidu solidariedade ne’e Primeiru-Ministru espressa iha abertura diskursu IV konferénsia internasionál kona-bá Estadu Illa Kiik Dezenvolvidu sira (SIDS) ho tema “ ́ ” iha São João, Antígua no Barbuda, segunda (27/05/2024).

Lee Mós:
PR Horta sei Participa Iha Prémiu Zayed 2025 Simeira Fraternidade Umana Iha Abu Dhabi

“Ha’u hakarak hato’o ha’u-nia profunda kondolénsia no solidariedade bá vítima sira hosi dezastre naturál, rai halai iha Papua Nova Guiné. Dezastre ida-ne’e bolu atensaun ba ita hotu atu fó solidariedade,” Xefe Governu espressa.

Lee Mós:
ME Acompanha Estudantes Vendedores do concursu Nacional do Ensino Básico do 3.° Ciclo de Manufahi Em Visita á Escola Santa Assumption College Kilmmore, Em Melbourne, Australi

Kay Rala Xanana Gusmão apela bá Estadu hotu-hotu atu lolo-liman hodi apoia vítima sira atu salva sira hosi risku dezatre naturál ne’e.

BBC News Indonesia fó-sai katak, totál vítima sira ne’ebé mate no rai-hakoi kuaze 2.000-resin, hafoin akontese udan ho intesidade boot iha área Papua Nova Guiné.

To’o agora família no Estadu Papua Nova Guiné sei kontinua buka-tuir vítima sira no salva daudaun vítima sira ne’ebé sei moris bá fatin seguru inklui fornese asisténsia umanitária.

Lee Mós:
Konferénsia Xefe Estadu no Governu CPLP Foka Liu Bá Juventude Sustentabilidade

Sekretáriu Jerál Organizasaun Nasaun Unidas (ONU), António Guterres mós orienta ona ekipa hodi lori apoiu umanitária hodi ajuda vítima sira. (*/Smnews)

Lee nain: 1,003