Smnewstl.com – Sekretáriu Estadu Ensínu Sekundáriu Jerál no Ensínu Sekundáriu Tékniku Vokasionál Domingos Lopes Lemos hasoru malu ho Ajénsia WFP iha Gabinete SEESGESTV.
Iha sorumutu ne’e, Sekretáriu Estadu ESJESTV Domingos Lopes Lemos hateten, Ministeriu Edukasaun Nakloke ba Ajénsia sira hotu iha ita nia rai, Klaru katak WFP tempu barak ona servisu hamutuk ho Ministeriu Edukasaun.
”Buat barak Presiza ita tenki la’o hamutuk ba prosesu sira ne’ebé mak barak iha Ministeriu edukasaun nian. Tanba, wainhira ita nia situasaun sira ne’e la’o di’ak Presiza intedades hotu-hotu,iha hanoin no tau liman hamutuk. Tanba ne’e, ha’u fo Agradese ba WFP ne’ebé mak fo ona apoiu ba Ministeriu Edukasaun.”
Iha parte hanesan Xefi Programa WFP Timor-Leste Ali Ahmad Khan, hateten, ami nia komitmentu atu servisu hamutuk ho Ministeriu Edukasaun liu-liu iha 2005 programa merenda eskolar ne’ebé mak inisia ona iha governu liu husi Ministeriu Edukasaun, ami kontinua apoiu nafatin atu konstroi dapur eskola, sosa utensilus bikan ho kanuru ba alin estudante sira iha 400 eskolas, no mós foin lalais ne’e dezenvolve ona menu merenda eskolar Ni’an.
”No buat hotu nia objetivu mak atu dezenvolve kapitál umanu investe iha ema. Tanba ne’e mak ami nia komitmentu kontinua sai parseru di’ak ho Ministeriu Edukasaun liu husi Sekretáriu Estadu Ensínu Sekundáriu Jerál no Ensínu Sekundáriu Tékniku Vokasionál”
Iha Sorumutu ne’e mós Xefi Programa WFP Timor-Leste Ali Ahmad Khan fó apoiu Mós material hanesan Laptop ida ba sua Exelénsia Sekretáriu Estadu ESJESTV.(SMNews)
Komentariu