Smnewstl.com (JAKARTA) – Primeiru-Ministru, Kay Rala Xanana Gusmã0 realiza enkontru bilaterál ho Liurai no Primeiru-Ministru Brunei Darussalam, Hassanal Bolkiah hodi deskute kooperaun servisu rai rua ba futuru.

Primeiru-Ministru Xanana konsidera Brunei Darussalam nu’udar nasaun membru Association of Southeast Asian Nation (ASEAN) ne’ebé iha kooperasaun di’ak mós ho Timor-Leste bele servisu hamutuk hodi fó apoiu ba Timor-Leste.

Lee Mós:
Ró Berlin-Ramelau Nu’udar Prezenta Ida Bá Povu Oe-cusse ho Ataúro
ADVERTISEMENT
SCROLL FILA BA NOTISIA


Enkontru armonia ne’e realiza hafoin PM Xanana no Liurai Brunei Darussalam, Hassanal Bolkiah ho lideransa ASEAN partisipa konferensia nivel altu ka Konferensi Tingkat Tinggi (KTT) ba dala-43 ASEAN iha edifisiu Plenary Hall, Jakarta Convention Center (JCC), Jakarta.

Xefe Governu Xanana husu atu Liurai Brunei Darussalam, Hassanal Bolkiah bele fó apoiu ba Timor-Leste iha setór saúde, edukasaun, petroliu no minerais no área importante seluk tan.

Lee Mós:
Konstrusaun Ró Berlin Ramelau Iha Ona Faze Final, Outubru To’o TL

Liurai Hassanal Bolkiah mós ho kontente konvida direita PM Xanana bainhira iha tempu bele vizita ba Brunei Darrusalam no PM Xanana agradese no sei ko’alia ho PR Ramos-Horta iha selebrasaun festa 20 de Maiun 2024 bele konvida Liurai Brunei Darrusalam vizita mós Timor-Leste.

Lee Mós:
Governo Rekolha Ona Konta Bankária Huei Familia 288 Iha Fumento II

Durante enkontru, Xefe Governu Xanana akompaña hosi Vice Primeiru-Ministru no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres, no Vice Ministra Negosiu Estranerus Asuntu ASEAN,Milena Rangel. (Smnews)

Lee nain: 1,826