SMnewstl.com BAUCAU || 18 April 2026-Prezidente Repúblika, J. Ramos-Horta hala’o vizita ba ‘Uma Esperansa’ ne’ebé akumula labarik orfanatu hamutuk 27, iha vila-nova, Munisípiu Baucau hodi oferese materiál konstrusaun atu konstrui dormitóriu foun inklui mobiliáriu balun hodi utiliza iha dormitóriu refere.
‘’ Pedidu ne’ebé imi halo hodi konstrui uma, ohin entrega no kona-bá transporte hodi ajuda atividade, ha’u sei oferese. Além ida ne’e, bele oferese mos bolsa estudu ba labarik sira konforme pedidu husi jerente orfanatu nian. Bele mos ajuda hakiak animál hodi sustenta sustentabilidade orfanatu nian depende tékniku sira análiza’’
Além ida ne’e, Prezidente Ramos-Horta reforsa tan katak sei husu apoiu ba autoriedade atu hadia kanalizasaun bee mós no Prezidénsia Repúblika prontu atu organiza hodi halo konsultasaun médiku rutinamente nune’e bele kontinua garante saúde ba labarik orfanatu sira inklui vestuáriu ba labarik sira.
Iha fatin hanesan, Prezidente Autoriedade Munisípiu Baucau, Veneranda Lemos ne’ebé akompaña vizita ne’e, hateten, Prezidente Repúblika Ramos-Horta ho ekipa durante ne’e sempre tulun no preokupa família liu husi programa umanitáriu nu’udár ajenda prinsipál hodi tulun família vulnerável sira iha munisípiu hotu. Ne’e ita tenke agradese no husu atu kontinua ho atividade sira ne’e atu tulun guvernu hodi hadia povu nia moris liu-liu sira ne’ebé presija liu tulun.
Diretora ofornatu uma esparansa Baucau
Cerjaltina de Carbalho agradese tebes ho Presidente Republika José Ramos Horta no prezensa tanba ho PR nia atividade neebe barak maibé ohin loron mai vijita ofornatu uma esprensia Baucau.
“Ofornatu uma esperansia ida nee harii iha tinan 2008 husi misionariu malazia no sira nia misaun hotu iha tinan 2014 sira fila ba sira nia nasaun no entrega ofornatu uma espransa ida nee ba timor-oan hodi kontinua too ohin loron”Diretora nee explika.
Uma espransa akumula ho labarik neebe husi tinan 2008 too iha tinan 2025 hamutuk atus ida tolu nulu resin nen no agora dadaun hamutuk 27 sira nee laos mai husi oan kiak deit maibé sira neebe refere husi rede referal no balu husi kbiit laek nomos divorsiu.
“Ami tau matan ba sira hahu husi misionariu malazia toi agora. Dezafio neebe durante nee ami hasoru dezafiu barak maibé nafatin esforsu ami nia aan hodi tau matan ba labarik sira “Nia Subliña
Durante nee ami estaf iha nee nain hitu maibé ami la hetan ami diretu maibé iha insentivu hodi ajuda ami. Tanba osan neebe fo ba ami kiik liu maibé ida nee la hamate ami nia vontade ami luta nafatin hodi tau matan ba labarik sira.
Labarim sira iha nee hahu husi tinan 2008 too iha tinan 2025 labarik sira nee balu remata ona sira nia estudu iha sekundaria balu ba universidade no balu hetan ona graduasaun nomos labarik balu deside fila fali ba nia familia.
Enkuantu Dezafiu neebe orfonatu esperansa mak hanesan transporte laiha hodi lori labarik sira ba eskola no Bee mos laiha. (/SMnews)
Komentariu