Smnewstl.com – Primeiru-Ministru (PM), Kay Rala Xanana Gusmão fó orientasaun bá Embaixadór dezignadu bá Koreia Súl, Antóni de Sá Benevídes atu tau prioridade bá traballadór Timoroan sira.
Embaixadór Benvídes simu orientasaun ne’e durante hasoru-malu ho Xefe Governu iha Palásiu Governu, molok dezloka bá hala’o misaun diplomátika iha Koreia Súl.
António Benevídes hateten hafoin enkontru, tersa (01/10/2024).
PM Xanana husu embaixadór atu reprezenta didi’ak nasaun TL iha Koreia Súl, buka hametin liu-tán kooperasaun ne’ebé durante ne’e la’o ona no loke mós espasu bá kooperasaun sira seluk.
Embaixadór ne’e mós promete bá Xefe Governu atu kontinua kooperasaun sira ne’ebé durante ne’e nasaun rua estabelese ona hanesan iha área desportu no seluk tán.
António de Sá Benevídes simu pose hosi Xefe Estadu, José Ramos-Horta iha Palásiu Prezidensiál Bairru-Pité 12 Agostu 2024.(*/Smnews)
Komentariu