Smnewstl.com (Luanda) – Prezidente Repúblika, José Ramos-Horta akompaña husi Ministru Negósiu Estranjeiru Bendito dos Santos Freitas ho delegasaun to’o ona iha Aeroportu Internasionál 04 de fevereiru Luanda, Angola iha tuku 18:30 kalan, hafoin remata vizita Estadu iha Mozambique.
Simu direta husi “Ministro das Relações Exteriores Angola, Teté António no Embaxadór Angola ba Timor-Leste, José Andrade de Lemos.
Tuir agenda, Prezidente Ramos-Horta sei halo vizita estadu husi loron 8 to’o loron 10 Jullu 2024, hodi hametin liu tan relasaun di’ak entre nasaun rua. Programa Prezidente nian iha Angola inklui partisipa iha serimónia estadu, halo enkontru bilateral mós ho nia omólogu Prezidente Repúblika Angola, João Manuel Gonçalves Lourenço, no mós sei iha asinatura ba protokolu kooperasaun entre Timor-Leste ho Angola no tuir mai ho konferénsia imprensa.
Prezidente Ramos-Horta sei hasoru mós ho Vise-Prezidente Angola, Esperança da Costa no Prezidente Asembleia Nasionál, Carolina Sequeira. Prezidente sei fó mos palestra ida iha Akademia Diplomátika Venâncio de Moura, vizita Akademia Polísia no atende serimónia ida iha fasilidade foun Embaixada RDTL nian iha Angola. (*/Smnews)
Komentariu