Smnewstl.com – Primeiru-Ministru Kay Rala Xanana Gusmão husu ba sosiadade Timor-Leste atu labele paniku no problema estoke aimoruk ne’ebé menus iha sentru saúde sira no problema atendimentu ba pasaporte nian, tanba governu fokus nafatin atu rezolve asuntu rua ne’e.
PM Xanana rasik simu ona relatóriu stoke aimoruk iha armazein Servisu Autónomu Medikamentu no Ekipamentu Saúde (SAMES) komesa menus no prepara ona osan atu sosa iha fulan ne’e ba oin.
“Stoke aimoruk ne’e karik iha loja sira ita ba sosa hotu kedas, dala ruma ita ejize malu ne’e ha’u komprende tebe-tebes, maibé tanba aimoruk ne’e ba sosa iha liur no la’òs ba sosa aribiru no tenki kuidadu didi’ak. Ne’ebé iha Konsellu Ministru ami sei buka nafatin sei iha ona osan tenki sosa ona, aimoruk inklui mós pasaporte,” informa PM Xanana hodi hatan jornalista sira, hafoin hafoin hala’o enkontru semenál ho Prezidente Repúblika, José Ramos-Horta iha Palasiu Prezidensiál, Dili.
Entretantu, Ministra Saúde, Elia A.A. dos Reis Amaral loke konkorsu ba empreza nasionál hodi rezolve problema stoke aimoruk iha Timor-Leste. (SMnews)
Komentariu