SMnewstl.com – Ekipa Selesaun Nasionál Indonezia nian sei halao jogu amigavel kontra ekipa kampiaun Kopa Mundiál tinan 2022 Argentina, iha edisaun jogu FIFA nian.
Jogu sei hala’o iha Estadiun Gelora Bung Karno (GBK) Senayan, Jakarta, iha Segunda-feira kalan (19/ 6/2023) hahú iha oras 19.30 WIB ka 21.30 oras, Timor-Leste.
Adeptus ne’ebé kaer ona billete sei nafatin iha antusiasmu boot atu asiste jogu entre ekipa rua maske sei la reforza husi jogador estrela, Lionel Messi.
La Pulga la mai Indonesia tanba hakarak halo feriadu ho nia família. Aleinde Messi, iha mós jogadór Arjentina na’in rua ne’ebé mós la mai iha Indonezia hafoin jogu amigavel kontra Australia.
Jogador na’in rua ne’e mak Angel di Maria no Nicolas Otamendi. Sira mós sei ba feriadu hafoin tempu naruk hamutuk ho sira-nia grupu sira.
Maske la hetan reforsu husi jogador nain tolu ne’e maibe Argentina nafatin mai ho maioria jogador nebe’e maka manan kopa mundial nomos ho estatutu nu’udar Kampiaun Mundiál no ranking FIFA 1.
Jordao Henrique
Kolaboradór SMnews.tl
Husi Estádiun Gelora Bung Karno, Jakarta
Komentariu