Smnewstl.com (01-12-2021) Governo liderado Taur Matan Ruak liu husi reuniaun Konselho MInistro Kuarta-feira ne’e, iha Palacio Governo Dili aprova projeitu deliberasaun no ezonerasaun kona ba Xefe Estado Maior Forcas Armada inklui komandante komponente Falintil Forcas Defesa Timoro Leste sira.
Tuir komunikado imprensa ne’ebe Smnewstl.com asesu komfirma, projetu deliberasaun ne’e aprezenta husi Primeiru-Ministru Taur Matan Ruak, hamutuk ho Ministru Defeza, Filomeno da Paixão de Jesus, kona-ba ezonerasaun no nomeasaun Xefe Estadu-Maiór Forsas Armadas (KEMFA), no Komandante Komponente F-FDTL sira. Proposta refere sei submete ba aprovasaun husi Prezidente Repúblika.
Biban ne’e, Konsellu Ministrus mos aprova ho alterasaun ba Dekretu Governu kona-ba Regulamentu Internu husi Komisaun ba Asuntu Tasi ne’ebé aprezenta husi Ministru Defeza, Filomeno da Paixào de Jesus.
Projetu Governu ne’e mai hafoin aprovasaun Dekretu-Lei nu. 39/2020, loron 23 fulan-setembru, ne’ebé kria Sistema Auditoria Marítima (SAM), no preve ba Komisaun ba Asuntu Tasi, hanesan órgaun ne’ebé iha kompeténsia hodi ezerse kontrolu polítiku ne’ebé efetivu kona-ba atuasaun Autoridade Marítima Nasionál.
Ikusliu, Konsellu Ministrus mos aprova projetu Dekretu-Lei Governu kona-ba Sentru Akolhimentu Multifunsaun (SAMF), ne’ebé aprezenta husi Ministru Administrasaun Estatál, Miguel Pereira de Carvalho. Sentru akolhimentu sira ne’e maka destina ba alojamentu temporáriu ba vitíma asidente grave no katástrofe sira.
Enkuanto kona ba projeitu ezonerasaun rasik seidauk hetan komfirmasaun husi Xefe Estado Maior das Forcas Armada Calisto dos Santos Coliati. (*/ant)
Komentariu