Smnewstl.com 04-11-2021 (Dili) – Ministériu Finansas liuhusi Sekretariadu Tékniku Fundu Covid-19, iha loron Sesta-feira, 29 outubru 2021, halo ona pagamentu suplementu remuneratóriu liña-frente ba pesoál Polísia Nasionál Timor-Leste (PNTL) hamutuk 3,821 ba períodu fulan-marsu to’o fulan-maiu 2021 ho montante millaun $3,1.
Komunikadu imprensa ne’e, smnewstl.com asesu husi relasaun públiku Ministériu Finansas kinta ne’e.
Komunikadu ne’e haktuir, iha 18 outubru 2021, Ministériu Finansas mós realiza ona pagamentu suplementu remuneratóriu liña-frente pesoál 449 Sentru Integradu Jestaun Krize ba períodu fulan-fevereiru to’o fulan-maiu 2021 ho montante $322,925.
No iha loron 12 outubru 2021, Ministériu Finansas halo tan pagamentu subísidiu suplementu remuneratóriu liña-frente bá pessoál Polísia Migrasaun hamutuk 143 bá períodu fulan-marsu to’o fulan-juñu 2021 ho montante $158,790.
Tan ne’e, to’o iha 31 outubru 2021, Ministériu Finansas ezekuta ona pagamentu suplementu remuneratóriu liña-frente ho valór millaun $3,5 husi totál orsamentu retifikativu alokadu ba liña-frente hamutuk millaun $51.(*/ant)
Komentariu