Smnewstl (DILI)-Jogu kontinuasaun ba segundu devizaun Liga Futebol Feto tinan 2021, Ekipa Futebol Feto ASS Baucau la fo perdaun ba sira nia adversario dahuluk Unital FC iha Jogu nebee halao iha Estadio Munisipal Dili Sesta Feira nee.
Laos halimar, Clube feto ho identiku Kulukisa nee ‘tatidik’ Unital FC ho Score 6-0.
Oservasaun SMNews, husi inisiu Ass Baucau tun halo kedas kontra makas ba area defensivu Unital nian liu husi lansa ameasa maka’as ba rede Unital ne’ebé guarda husi Efenia de Oliveira.
jogu sedauk lao kleur Ass Baucau Les ona rede Unital liu husi jogador numeru kamizola 17 Izabelita da Silva iha menutu 16 hodi hatur eskor ba 1-0.
Golu refere halo Unital koko esforsu aan hodi sobu lina defeza Ass Baucau, maibé kapitaun Amasia Antonia ne’ebé comanda iha linha defeza central la fo fatin ba Unital atu halao jogu ho livre iha sira nia àrea defeza.
Iha menutu 33 Ass Baucau fila halo kontra ataka ba Unital, konsege hakat liu defeza unital nia avansadu Joana Selvia ho numeru kamizola 10 sussesu doko tan rede Unital FC hodi muda score ba 2-0 no Score refere dura too primeira parte remata.
Tama ba segunda parte, treinador Unital koko halo mundansa iha lina avansadu hodi troka jogador, maibé laiha efeitivu husi mudansa refere.
Enkuantu Ass Baucau kontinua dumina jogu nune’e sussesu habo’ot tan score ba 3-0 iha minutu 49 liu husi husi sira nia jogador Elviana Sarmentu.
Maske lidera ona 3-0, Baucau nafatin laiha perdua ba sira nia adversariu, ho kondisaun estamina ne’ebe sei estavel sira nafatin halao jogu agressivu. Enkuantu jogador unital ne’bee estamina komesha monu defisil liu tan atu kontrola jogu no fasil atu lakon bola husi sira nia ain.
Kondisaun nee halao baucau aumenta tan golu 3 tutuir malu liu husi Elviana Sarmentu iha Minutu 59, izabelita da silva 79 no minutu 80 hodi taka jogu nee ho score 6-0.
Resultadu ne’e lori Ass Baucau ba tur kedas iha pozisaun primeiru ho pontus tolu enkuantu Unital tun iha pojisaun okos liu.
Komentariu