SMnewstl.com | Brunei Darussalam, 05 Maiu 2026 – Vise-Primeiru-Ministru no Ministru Koordenadór ba Asuntu Ekonómiku, Dato’ Seri Francisco Kalbuadi Lay, akompaña delegasaun Timor-Leste hala’o vizita ofisiál ba instalasaun produsaun mina no gás boot sira iha Brunei Darussalam, hodi aprende diretamente kona-ba jestaun rekursu naturál no dezenvolvimentu indústria enerjia moderna.

Lee Mós:
Ministra Edukasaun Prezide Sermónia Simu Posse Ba Líder Komunitària Hamutuk Na'in 7

Iha vizita ne’e, delegasaun Timor-Leste visita Liquefied Natural Gas (LNG) Brunei iha Lumut, Distritu Belait, ne’ebé konsidera hanesan ida husi produtór gás naturál líkidu boot liu iha Sudeste Aziátiku dezde estabelese iha tinan 1969.

ADVERTISEMENT
SCROLL FILA BA NOTISIA


Delegasaun mos vizita Brunei Fertilizer Industries (BFI), empreza governu nian produtór adubu amonia no ureia ne’ebé lokalizadu iha Sungai Liang Industrial Park (SPARK).

Lee Mós:
UNDP Introdús Programa Prioridade Bá PM Xanana

Vizita refere realiza nu’udar parte ida husi programa vizita ofisiál Governu Timor-Leste iha Brunei Darussalam, ho objetivu atu hametin relasaun bilaterál no promove kooperasaun estratéjiku iha área enerjia, investimentu no dezenvolvimentu ekonómiku.

Lee Mós:
Xefe Estado Husu UNSW Atu Kontinua Suporta Edukasaun TL

Delegasaun Timor-Leste simu diretamente husi Ministru iha Gabinete Primeiru-Ministru no Ministru Finansa no Ekonomia II Brunei Darussalam, Dato’ Seri Setia Dr. Awang Haji Mohd Amin Liew bin Abdullah. (/SMnews)

 

Lee nain: 6