Smnewstl.com | Covalima, 25 Abril 2026 – Insidente trágiku ida akontese iha Aldeia Quiar, Suku Matai, Munipicip Covalima lokraik ne’e maizumenus tuku 14:45, bainhira kazal ida fila husi tos ho diresaun ba uma, maibé hetan desastre iha mota klaran.
Tuir informasaun husi Xefe Suco Matai informa, korenti be iha mota ne’e aumenta derepente, nune’e lori kazal ne’e nia isin. Situação ne’e halo komunidade laran triste no preokupa tebes.
Autoridade lokal konfirma katak Mariana da Costa nia isin hetan ona ho kondisaun mate, enkuantu nia la’en, Alcino Afonso, sei lakon hela no seidauk hetan to’o agora.
Ekipa jestaun dezastre husi Munisípiu Covalima kontinua halo buka maski enfrenta difikuldade iha terrenu.
Dadaun ne’e, operasaun buka nian suspende provizoriamente tanba kondisaun oras kalan, maibé sei kontinua fali iha loron aban atu tenta hetan vítima ne’ebé seidauk lokaliza.
Autoridade husu ba komunidade atu kuidadu bainhira atravessa mota, liuliu iha tempu udan ne’ebé bele halo volume be aumenta lalais.(/SMnews)
Komentariu