SMnewstl.com | DILI, 17 Abril 2026 — Azénsia Dezenvolvimentu Nasionál (ADN) kontinua hametin koordenasaun ho Igreja Katólika hodi asegura katak projetu konstrusaun Katedrál foun iha Maliana lao tuir planu no padraun tékniku ne’ebé iha.

Enginheiru ADN, Egídio Gonçalves, hateten katak koordenasaun ne’e sai fator importante atu garante prosesu konstrusaun lao ho diak, liuhusi planeamentu ne’ebé klaru no kontrolu tékniku rigorozu.

Lee Mós:
Estrada Viqueque-Watulari no Watucarbau Tama Fase Dezenho,Mop Confirma
ADVERTISEMENT
SCROLL FILA BA NOTISIA


Nia esplika katak servisu koordenasaun ne’e envolve kolaborasaun estreita ho parte Igreja no konsultan sira, atu avalia dezenhu projetu, BOQ (Bill of Quantities), no nesesidade real iha terrenu.

Iha enkontru entre ADN no reprezentante Igreja Katólika, parte rua diskute kona-ba progresu preparasaun dokumentu no mekanizmu implementasaun projetu.

ADN mos fornese apoiu tékniku hodi asegura katak projetu ne’e implementa tuir padraun konstrusaun ne’ebé adekuadu.

Lee Mós:
PM Taur Aujensia, KM Liderado Armanda Berta Adi'a Diskusaun Proposta Reforma Jenerál Lere

Iha parte seluk, Ekonomato Diocese Maliana, Pe. Norberto Soares, hato’o apresiasaun ba ADN tanba kontinua fó akompañamentu no koordenasaun ne’ebé maka’as, hodi ajuda acelera prosesu implementasaun projetu Katedrál foun ne’e.

Nia mos hateten katak projetu ida ne’e sei sai símbolu importante ba komunidade Katólika iha Maliana.

Lee Mós:
PR Horta ho Prokurador ICC Diskute Asuntu Myanmar

Projetu konstrusaun Katedrál foun Maliana konsidera hanesan iniciativa estratéjika atu hadi’a infraestrutura relijioza no kria espasu ne’ebé adekuadu ba atividade espirituál no sosial ba fiéis sira iha rejiaun refere.

ADN reafirma nia kompromisu atu kontinua servisu hamutuk ho entidade relevante hotu-hotu hodi asegura projetu ne’e bele implementa ho susesu, transparente no tuir tempu ne’ebé planeadu. (/SMnews)

 

Lee nain: 39