SMnewstl.com DILI || 22 Abril 2026 – Prezidente Repúblika Timor-Leste, José Ramos-Horta, hatete katak nia prontu atu sakrifika nia rezidénsia Metiaut se’e nesesáriu hodi suporta projetu dezenvolvimentu ne’ebé bele fó benefísiu direta ba povu no nasaun.
Iha deklarasaun públika, Xefe Estadu subliña katak interese nasaun tenke tau iha leten liu duké interese pesoál.
Nia hateten katak se rezidénsia prezidensiál bele uza ba konstrusaun infraestrutura ka projetu estratéjiku seluk, nia sei la kontra ideia ne’e.
Prezidente mos esplika katak lideransa responsavel presiza fó ezemplu, liuhusi desizaun ne’ebé promove bem-estar povu no dezenvolvimentu sustentável iha nasaun.
Deklarasaun ida ne’e reflete kompromisu forte husi lideransa atu fó prioridade ba dezenvolvimentu Timor-Leste, inklui hadi’a infraestrutura, edukasaun, saúde no setór ekonomia.
Governu kontinua buka dalan atu atrai investimentu, kria empregu no hasa’e kondisaun moris povu.
Maski konsidera nudar medida simbóliku, iniciativa ne’e bele motiva diskusaun públiku kona-ba jestaun rekursu estadu no reforsa mensajen katak lideransa di’ak presiza sakrifísiu hodi atinji interese komún.
Ho postura ida ne’e, José Ramos-Horta hatudu nia kompromisu ba futuru nasaun no fó ezemplu klaru kona-ba servisu públiku ne’ebé bazeia ba responsabilidade no vizsaun longu prazu. (/SMnews)
Komentariu