Smnewstl.com Dili, 20 Abril 2026 – Autoridade Seguransa Diresaun Servisu Investigasaun Kriminal (DSIK) iha Polísia Nasionál Timor-Leste (PNTL), ezekuta mandadu Tribunal Judisial Primeira Instansia Dili (TJPID) detein kondenadu kazál ida ho oan nurak inisial HX ho MB lori ba kumpri sentensa sala iha prizaun Becora no Gleno
Tuir informasaun ne’ebe Smnews asesu husi Pajina offisial PNTL komfirma katak kazál ne’e komete kazu krime Violénsia Domestika akontese iha loron 17 fulan Marsu tinan 2023, iha aldeia, Laloran, Suku Bairo Pite, Postu administrativu Dom Aleixo Munisípiu Dili hasoru vitima lezada inisial Mds to’o baixa iha Hospital Nasional Guidu Valadares (HNGV) no lakonsege salva nia vida ne’ebé previstu iha kodigu penal tipu krime iha artigu 146 Ofensa ba integridade fizika maka’as hasoru lezada to’o lakon vida.
Tanba ne’e iha loron 20/04 tuku 09:30, Autoridade Seguransa Diresaun Servisu Investigasaun Kriminal (DSIK) simu ordem hodi ezekuta mandadu Tribunal Judisial Primeira Instansia Dili (TJPID) ho numeru rejistu NUK : 0161/23.DICMR hodi lokaliza kedan kazál ne’e nia hela fatin halo detensaun lori kedan ba kumpri iha Prizaun Becora no Gleno.
Nune’e ida ezekusaun mandadu dahuluk detein suspeitu ho inisial; HX idade 45 iha Aldeia Laloran, Suku Bairo Pite, postu administrativu Dom Aleixo Munisípiu Dili lori ba prizaun sei kumpri nia sala durante tinan 7 no supeitu inisial MB idade 41 inan nurak iha Fatuquero, postu administrativu Gleno Munisípiu Ermera lori ba prizaun sei kumpri nia sala iha prizaun durante tinan lima.
Iha prosesu ezekuta mandadu Tribunal Judisial Primeira Instansia Dili (TJPID) lao ho diak, tanba akuzado kazál ho oan nurak no bebe foin halo fulan rua kopera diak ho ekipa Diresaun Servisu Investigasaun Kriminal (DSIK) hodi lori ba kumpri iha prizaun. (/SMnews)
Komentariu