Smnewstl.com | Dili, 17 Abril 2026 – Primeiru-Ministru Kay Rala Xanana Gusmão bolu atensaun seriu no lian maka’as ba servisu alfândega sira, hafoin deskobre movimentu osan falsu ho montante boot liu tama mai Timor-Leste liu husi fronteira Porto no Aeroportu.

Xefe governo hato’o alerta ne’e bainhira halao halao vizita ba Kuartel Geral PNTL Kaikoli Dili, Sexta-feira, (17/04/2026) hodi hata’an ba deklarasaun husi sidadaun Xineza balun ne’ebe deklara, osan refere falsu no utiliza ba serimonia kultura Xina nian.

Lee Mós:
Binani-Turiscai: Fatin Saudozu  Prezidente Nicolau Lobato Nia Destiñu Ikus, Simbólu Resisténsia No Luta Ba Independénsia
ADVERTISEMENT
SCROLL FILA BA NOTISIA


Informasaun hatudu katak osan suspeitu ne’e tama liu husi Porto Tibar ho deklarasaun falsu hanesan “meias no boneka”, maske sira selu taxa ofisial ona.

PM Xanana kritika katak iha falha grave iha prosesu verifikasaun, ne’ebé halo autoridade sira fokus deit ba reseita taxa no haluha inspeksaun rigorozu.

Lee Mós:
PM Xanana Observa Direita Servisu Atendimentu HNGV no Konstrusaun Edifisio Pediatria

“Osan falsu ne’e la’ós problema ki’ik. Ho kuantidade to’o 4 miliaun, ida ne’e bele estraga ekonomia no halo povu ki’ik sai vitima,” dehan PM ho lian forte.

Investigasaun husi Polícia Nacional Timor-Leste liu-husi unidade DSIK konfirma katak osan ne’e la’ós atu ba “kultura” hanesan alegasaun balu, maibé parte husi rede ilegal ne’ebé potensialmente perigu ba estabilidade finanseira nasaun nian.

Lee Mós:
Kareta Prado PN Ne'ebé Sai Polémika Seidauk Entrega Bá Patrimóniu Estadu

Kazu refere, ne’ebé deskobre iha área Bidau Masaur, agora dadaun iha hela prosesu investigasaun no submete ona ba Ministério Público, ho suspeitu balun.

Iha tempu hanesan, PM Xanana ba dala rua ona vizita Kuartel Geral PNTL Kaikoli atu presiona forsa seguransa sira atu reforça kontrolu no prevene kazu hanesan ne’e atu la repete tan. (/SMnews)

 

Lee nain: 3