SMnewstl.com | Manatuto 06 Maiu 2026 – Ajénsia Dezenvolvimentu Nasionál (ADN), liu husi Unidade Kontrolu Validasaun Kualidade (UCVC), hala’o monitorizasaun ba infraestrutura iha Munisípiu Manatuto hodi prepara serimónia simu resto mortais husi Dom Martinho da Costa Lopes.
Monitorizasaun ne’e inklui inspeksaun ba estrada prinsipal,Liu liu iha Ponte Manatuto ne’ebé sei iha Serimonia bo’ot hodi fo homenagem ba Bispo Dom Martinho Lopes nian no Aumesmo tempo sei hanaran Ponte Manatutu “Ponte Dom Martinho Lopes “.
Alende ne’e Ajénsia Dezenvolvimentu Nasionál no Parte Igreja mos Observa infraestrutura Seluk hanesan Rehabilitasaun Rezidénsia iha Parókia Santo António Manatuto inkliu igreja Parókia ne’ebé sei selebra misa durante Simu Resto Mortais Dom Martinho Lopes nian.
Ho Monitorizasaun husi Ajénsia Dezenvolvimentu Nasionál ne’e atu hare besik Progresu Rehabilitasaun residensia no igreja nudar parte ida hodi garante eventu bele lao ho di’ak no hakmatek durante Simu Dom Martinho Lopes nia Resto Mortais.
Padre Parókia Santo António Manatuto Padre Mario Cabral Imforma,Prosesu ba Rehabilitasaun ne’e hanesan parte ida husi Estado Timor-Leste No parte igreja nia preparasaun hodi simu urnas Dom Martinho Lopes.
“Iha Kontesto ida ne’e hanesan Preparasaun husi Estado ka governu Timor-Leste ho Igreja Katólika nian hodi prepara atu simu urnas Dom Martinho Lopes nian, tanba ne’e mak agora igreja ho Governu hahu halo kolaborasaun hodi prepara infraestrutura ho di’ak.” Informa Padre Pároku Santo António Manatuto Padre Mario Cabral.
Tuir Padre Mario, katak preparasaun ne’e la’ós de’it atividade tékniku, maibé mos nu’udar aktus no forma ida husi povu Timor-Leste hodi fó valorizasaun ba bispo sira ne’ebé kontinua fó kontribuisaun iha luta no dezenvolvimentu espirituál nasaun nian.
Padre Mario Cabral hateten katak serimónia ida ne’e importante atu halo povu lembra nafatin sakrifísiu no papel lideransa Igreja nian iha istória Timor-Leste.
Ho preparasaun ne’ebé maksimu, governu espera serimónia simu resto mortais ne’e bele realiza ho dignidade no respeitu aas, hodi fó omenajen ikus ba lider espirituál ida ne’ebé kontribui boot ba luta no unidade nasaun nian.
Enkuanto Prosesu Transladasaun Restus mortais Bispu sira nian sei Akontese iha fulan Setembru tinan ne’e no urnas hirak ne’e Komposto husi Bispu dahuluk Timor nian, Dom Jaime Garcia Goulart, segundu ,Bispu Dom José Joaquim Ribeiro no Administradór Apostóliku Dom Martinho da Costa Lopes.
Oras ne’e daudaun, restu mortais sira ne’e hela iha Lisboa Portugal, no tuir planu sei lori mai Timor-Leste atu halo’ot hamutuk iha Catedral da Imaculada Conceição de Díli ho Dom Alberto Ricardo da Silva. (/SMnews)
Komentariu