SMnewstl.com | Díli, 06 Maiu 2026 – Ajénsia Dezenvolvimentu Nasionál (ADN), liu husi Unidade Kontrolu Validasaun Kualidade (UCVC), hala’o inspesaun ba projetu konstrusaun estrada foun husi Terminal Tasi Tolu to’o Area Maslidun, ne’ebé atualmente responsabiliza husi kompania Fikikai.
Inspesaun ne’e realiza ho Objektivu atu hare besik liu implementasaun projetu husi Kompanhia iha terenu,no atu asegura katak prosesu konstrusaun lao tuir padraun tékniku no espesifikasaun ne’ebé determina ona iha kontratu.
Monitorizasaun Ajensia Dezenvolvimentu Nasionál ne’e importante tebes atu garante projetu infraestrutura sira halo ho kualidade di’ak no bele benefisia komunidade iha área refere, liu-liu fasilita asesu transporte no atividade ekonómika.
Enkuanto Kompania Fikikai, hanesan entidade executora, kontinua hala’o servisu konstrusaun ho responsabilidade atu kumpre prazu no padraun ne’ebé estabelece ona. Projetu estrada ne’e espera bele kontribui ba dezenvolvimentu lokal no melhora mobilidade ba populasaun iha zona Tasi Tolu no Maslidun.
Nune’e Projeito Konstrusaun Estrada husi Terminal Tasi Tolu to’o Maslidun ho Distansia kilometer 3 resin.(/SMnews)
Komentariu