Smnewstl.com | Dili, 28 Abril 2026 – Timor-Leste perde fali nia oan ida ne’ebé mak iha kontribuisaun boot ba luta libertasaun nasional.

Marito Mota, fundadór grupu rezisténsia FITUN, eis Deputadu Parlamentu Nasional husi FRETILIN no ativista rezisténsia urbana, hakotu ona i’is iha dader ne’e.

ADVERTISEMENT
SCROLL FILA BA NOTISIA


Marito Mota konhese hanesan jovem rezistente ne’ebé firme no laran metin, ne’ebé dedika nia moris tomak atu hasoru invasaun militar ho korajen la’o to’o rohan.

Lee Mós:
SEATOU Aprezenta Progresu Servisu ba PM Xanana

Nia la tauk mate, no nafatin hamrik iha linha oin atu defende povu Maubere no direitu ba ukun-an.

Durante períodu okupasaun, nia envolve aktivamente iha rede rezisténsia urbana, organiza movimentu juventude no hamosu konsiénsia nasionalista iha geração foun.

Nia papel hanesan fundadór FITUN sai simbolu ba juventude ne’ebé hakarak liberdade no justisa.

Lee Mós:
Reafirma Kandidatura ba PR, Martinho Gusmao Deklara Hetan Bensaun Husi Papa Francisco ho Bispo Sira

Matebian ne’e la’ós deit lakon ba família, maibé mos ba nasaun tomak. Espiritu nasionalizmu ne’ebé nia husik hela sei nafatin moris iha juventude Timor-Leste nia laran, hanesan naroman ida ne’ebé sei guia dalan ba futuru.

Liafuan ne’ebé nia moris tuir “A Luta Continua, Resistir e Vencer”, agora sai hanesan heransa morál ida ba ema hotu-hotu atu kontinua luta ba libertasaun total no dezenvolvimentu nasaun.

Lee Mós:
La Partisipa Aniversariu Veteranu Ba Dala VI Xanana: “Ha’u La Halo Buat Ida, Husu Ba Jeneral no Fundador Sira, Tanba Ha’u Ne’e Soeharto Kedua”

Povu Timor-Leste iha lutu kle’an, ho respeitu boot no agradecimentu ba sakrifísiu ne’ebé nia halo.

Nasaun ida sei lembra nafatin nia naran iha istória luta libertasaun.

Deskanse iha paz, Herói Povu. (/SMnews)

 

Lee nain: 14