SMnewstl.com | VIQUEQUE 23 Abril 2026 –Autoridade Nasional dos Minerais, ANM I.P., atribui lisensa ba propesaun no peskiza minerais metáliku ba empreza Tivan LDA, iha Postu Administrativu Venilale, Munisípiu Baucau no Munisípiu Viqueque.
Antes ne’e área konsesaun refere jere husi Kompaña Beacon Minerals Austrália, bazeia ba lisensa ne’ebé Autoridade Nasionál Minerais ANM emite iha fulan Abril tinan 2024, hodi halo prospesaun no peskiza durante tinan 4, maibé empreza refere transfere responsabilidade ba empreza Tivan LDA, tamba kestaun interna.
Iha serimónia atribuisaun direitu mineiru ba Tivan LDA, Ministru Petróleu no Rekursus Minerais Francisco da Costa Monteiro tenik katak, maske iha susbstituisaun repsonsanbilidade, Governu fiar katak, Tivan LDA iha kompromisiu forte atu halo ho susesu peskiza ba minerais metáliku no naun metáliku durante periódu extensaun ba tinan 2.
Governu apela kontributu husi komunidade hodi ajuda empreza Tivan LDA hodi realiza prospesaun no peskiza iha área Venilale no Ossu Munisípiu Viqueque ne’ebé iha potensialidade ba rekursu minerais, tuir dadus prospetividade Jeolójica.
Xefe Jeólojista, Stephen Walsh husi Tivan LDA, konsidera importante dezenvolvimetu setór mineral no agradese ba konfiansa governu nian, hodi assume kompromissu ba exekusaun projetu ho responsabilidade, transparánsia, komprimentu ba normas existente no envolve komunidade iha exekusaun projetu.
Ba Susesu Servisu Peskiza nian Xefe Suku Loihunu, Filomeno Guterres, kompremete katak komunidade prontu máximu hodi apoiu kompanhia Tivan iha prosesu esplorasaun minerais iha Ossu no agradese ba Governu tanba hahú ona planu atu explora rekursu natural.
Iha tinan 2023, Governu lansa tenderizasaun dahuluk ba bloku minerais metáliku no kompaña 15 husi índia, Xina, Austrália, Indonézia no empreza lokál mak kompete, liu-husi prosesu rigorozu konsege selesiona Beacon Minerals Limited, Estrella Resources no Peak Everest Mining, hodi halo prospesaun no peskiza ba zona konsesaun sira, maibé hafoin Beacon Minerals Limited realiza propesaun peskiza durante tinan rua transfere responsabilidade ba empreza Tivan LDA. (/SMnews)
Komentariu