SMnewstl.com | DILI, 15 Abril 2026 – Governu garante fornesimentu kombustível ba sentral elétrika Hera no Betano, koinsidénsia ho konflitu iha Médiu Oriente ne’ebé seidauk hotu no implika ba seguransa enerjétika.
Medida ida ne’e bazeia ba dekretu-lei kona-ba estabelesimentu kombustível ne’ebé aprova iha loron 5 fulan Marsu tinan 2026 durante reuniaun Konsellu Ministru, ho objetivu atu asegura kontinuidade fornesimentu kombustível ba sentrál eletrika Hera no Betanu no mos estabiliza presu kombustível iha merkadu.
Hodi garante normalizasaun fornesimentu kombustivel, Governu sei halo monitorizasaun kontinuamente, hodi prevene interrupsaun iha fornesimentu kombustível, liuliu ba setor eletrisidade ne’ebé importante tebes ba atividade ekonomika no servisu públiku.
Ministro Petróleo no Rekursus Minerais, Francisco da Costa Monteiro subliña importánsia atu prevene impaktu negativu husi krize enerjétika global, ba ekonomia, setor transporte no produsaun nasional.(/SMnews)
Komentariu