Smnewstl.com | SUAI, 16 Abril 2026 – Tribunal Judisiál Primeira Instánsia Suai fó sai ona desizaun final iha kazu omisídiu agravadu ne’ebé involve arguídu MMS, ho vítima Peregrina, ne’ebé akontese iha área Jakarta-2, Munisípiu Ainaro.

Tuir informasaun ne’ebé Smnews asesu husi pajina ofisiál tribunal, iha Tersa-feira, 14 Abril 2026, tribunál deside atu kondena arguídu MMS ho pena prizaun tinan 18.

Lee Mós:
Munisípiu Tama Ona Iha Transmisaun Komunitária Covid-19
ADVERTISEMENT
SCROLL FILA BA NOTISIA


Kazu ne’e akontese iha 8 Jullu 2025, bainhira arguídu MMS alegadamente halo asaun ne’ebé hamosu mate ba vítima Peregrina.

Prosesu legal ne’e lao durante fulan balu to’o tribunál halo leitura desizaun final iha Suai.

Lee Mós:
Governu Reativa Fali Operasauun Transporte Públiku Bis, Mikrolete No Táxi, Bandu Ema Atu Labele Rabat Malu

Bazeia ba konsiderasaun tribunal nian, asaun ne’ebé komete husi arguídu tama iha kategoria krime omisídiu agravadu, tuir Artigu 139 alínea f husi Kódigu Penál, ne’ebé prevé pena prizaun entre tinan 12 to’o 25.

Iha leitura desizaun, juiz titular deside atu aplika pena prizaun tinan 18 ba arguídu MMS, hanesan forma responsabilizasaun ba krime ne’ebé komete.

Lee Mós:
Hasoru PR Horta, Papa Kontenti no Hakarak Vizita Timor-Leste

Sesaun leitura desizaun ne’e realiza ho prezensa juiz titular, reprezentante Ministériu Públiku, no mós defesa arguídu ne’ebé akompaña husi Defensoria Públika. (/SMnews)

 

 

Lee nain: 476