SMnewstl.com DILI 1 Maiu 2026 – Atmosfera divertimentu iha Karaoke Pepito, Aldeia Formosa, Suco Gricenfor, Posto Administrativu Nain Feto, sai fali ba tensaun boot depois de insidente violénsia ne’ebé envolve sidadaun rua.
Tuir informasaun ne’ebe Smnews asesu iha sidadaun mane ida ho inisial MMRM, iha Kinta-feira (30/04), marka prezensa iha Diresaun Servisu Investigasaun Kriminal (DSIK), Kaikoli Dili, hodi fó nia deklarasaun relasiona ho alegasaun agresaun fizika hasoru sidadaun feto ida husi Indonesia ho inisial NL.
Tuir informasaun preliminar, insidente ne’e akontese iha loron 25 Abril 2026, maizumenus tuku 20:55 oras Timor-Leste, iha fatin divertimentu Karaoke Pepito.
Konflitu ne’ebé seidauk klaru nia orijen lori ba alegasaun katak vítima hetan agresaun fizika.
Autoridade sira konsidera kazu ne’e hanesan krime ofensa integridade fizika simples, tuir previzaun iha Artigu 145 husi Kodigu Penal.
Investigasaun seidauk remata no autoridade sira kontinua halo dilijénsia atu hatene lolos kronolojia no responsabilidade iha insidente ne’e.
Polísia apela ba komunidade atu mantein kalma no entrega konfiansa ba prosesu justisa ne’ebé lao hela, enquanto kazu ne’e sei iha faze investigasaun.
SMNews Timor sei kontinua akompaña dezenvolvimentu kazu ne’e atu fó informasaun atualizadu ba públiku. (/SMnews)
Komentariu