Smnewstl.com | , 09 Maio 2026 – Festa kazamentu ida iha área Akanunu Hera, Municipio Dili termina ho situasaun konfuzaun no violénsia iha madrugada, ne’ebé rezulta estragus boot ba ekipamentu no halo ema barak paniku.

Tuir informasaun ne’ebé espalha iha media sosial, akontesimentu ne’e akontese maizumenus tuku 05:00 dadeer, bainhira grupu balun hahú sobu festa no baku malu iha fatin eventu.

Lee Mós:
PM Xanana Atualiza Agenda Importante Rua ba PR Horta
ADVERTISEMENT
SCROLL FILA BA NOTISIA


Iha incidenti refere, kuaze kadeira sira hotu rahun, inklui mos “keyboard” no ekipamentu seluk ne’ebé uza ba animasaun festa.

Testemuña sira hatete katak situasaun sai nakonu ho pániku tanba ema balun lori kadeira hodi tuda no baku malu, halo partisipante sira halai atu salva an.

Lee Mós:
Konfrontu Entre Estudante Iha Becora, Professór Ida Kanek, Autór Kapturadu

Tuir informasaun ne’ebe Smnews asesu husi Komandante Operasaun PNTL Municipio Dili, Superintendente Asistente, José Luis Amaral, Polísia Nasional Timor-Leste (PNTL) konsege asegura suspeitu nain 12 no lori sira ba sela iha Becora, Dili, hodi halo investigasaun kle’an kona-ba motivu no ema sira ne’ebé envolve iha kazu refere.

Lee Mós:
Delegasaun Expo Dubai la 'Hakfodak' ho FONGTIL

To’o agora autoridade sira seidauk fó detallu kompletu kona-ba vítima ka prejuízu total husi estragus ne’ebé akontese.

Ami sei kontinua akompaña no fó atualizasaun tuir dezenvolvimentu investigasaun hosi PNTL.(SMnewstl/)

 

Lee nain: 3