Smnewstl.com | Lautem, 17 Abril 2026 – Unidade Patrullamentu Marítimu (UPM) konsege kaptura ro peska ilegal husi Indonésia ho naran KM Makmur Rejeki Mulya, durante operasaun patrullamentu loron lima iha área tasi kosta sul, entre Beaço no Uatucarbau, iha tuku 18:00 OTL.

Operasaun patrullamentu ne’e realiza ho utilizasaun lancha rápida rua ho apoiu NRTL Lusitania, ho objetivu atu reforça fiskalizasaun no proteje rekursu marítimu Timor-Leste nian.

Lee Mós:
Estrutura CCI-TL Liderado Jorge Serano hasoru VPM1 Kalbuadi Lay
ADVERTISEMENT
SCROLL FILA BA NOTISIA


Durante operasaun, ekipa UPM deteta no kaptura ro refere ne’ebé hala’o atividade peska ilegal iha área tasi Timor. Iha ro laran, autoridade sira identifika tripulante hamutuk ema nain 32.

Aleinde ne’e, UPM konfiska ikan ho total aprosimadamente 9 tonelada, resin, rede arastu no ekipamentu seluk ne’ebé utiliza ba atividade peska ilegal.

Lee Mós:
Hasoru PM Taur, Kompañia Timor Resources Komfirma Sei Halo Perfurasaun ba Mina Matan 3

Hafoin kaptura, sidadaun sira no evidénsia hotu entrega ona ba Komandu Munisípiu Lautém hodi kontinua prosesu investigasaun no aksaun legal tuir lei ne’ebé vigora.

Ro refere agora hela iha Porto Com, Munisípiu Lautém, no sei submete ba prosedimentu legal tuir regra sira ne’ebé aplika.

Lee Mós:
PR Horta Husu Atu Halakon Debe No Ajuda ba Nasaun Vulneravel Sira Iha Sorumutuk ho g7+

Autoridade sira reafirma katak operasaun hanesan ne’e sei kontinua atu asegura proteksaun ba rekursu naturál no soberania marítima Timor-Leste. (/SMnews) 

 

Lee nain: 3