Smnewstl.com – (05-06-2025) – Artista Indonézia Nadia Vega ohin mai vizita Palásiu Prezidensial no hasoru malu ho Prezidente Repúblika J. Ramos-Horta halo intrevista badak ho Xefe Estatu, atu promove kampaña turizmu ida ne’ebé ho objetivu atu introdús liután Díli ba públiku iha indonéziu.
Nia reprezenta mídia Indonézia nian no hakarak hametin ligasaun entre Indonézia no Timor-Leste, hodi destaka fahe sira nia istória ba malu no enkoraja atu aumenta liu tan setór turizmu nian.
Remata entrevista ho Prezidente Repúblika Nadia Vega diretamete vizita mos salaun ASEAN iha Palásiu Prezidensial. Halo reportajen espesiál (SILET) iha Programa Televizaun SCTV nian. Nia Kontente hare’e Timor-Leste nią preparasaun ba ASEAN no fó bemvindu ba Timor-Leste hodi sai Membru Permanente iha fulan outubru 2025 mai.
Iha dadalia ho ekipa media Prezidénsia Nadia hatete nia kontenti mai Timor-Leste no fó kontribuisaun ba festivál Tasi Fest. “Ha’u hakarak kontribui no promove kampaña turizmu kruzadu ida entre Timor-Leste no Indonézia, foka introdús Dili ba turista Indonézia sira enkuantu hatudu mós atrasaun Indonézia nian ba sira ne’ebé iha Dili”. Hateten Nadia Vega (04/06/2025)
DJ Nadia Vega ne’ebé mak famozu iha Indonézia, hamutuk ho Artista sira seluk mai iha Timor-Leste hodi atua iha TasiFest 2025 iha Dili, entre loron 5 to’o 7 fulan Juñu, hodi fó kontribuisaun ba promosaun kultura, edukasaun ambientál, no kolaborasaun internasionál, liuhosi performansa musikal no projetu sosiál ne’ebé fó impaktu pozitivu ba komunidade sira.
Nia subliña katak Timor-Leste no Indonézia iha ligasaun istóriku ne’ebé metin, tanba ne’e nia espresa minia interese iha atividade sira hanesan ne’e hodi atrai vizitante Indonézia barak liután, liu-liu bele mai haree biodiversiade oin-oin ne’ebé úniku no furak iha Tasi okos illa Timor nian. (*/Smnews)
Komentariu