Smnewstl.com 08-10-2024 (Laos) – Primeiru-Ministru (PM), Kay Rala Xanana Gusmao to’o ona Repúblika Demokrátiku Popular (RDP) Laos, hodi partisipa Simeira Association of Southeast Asian Nations (ASEAN) bá dala-44 no 45 ne’ebé sei realiza iha 08 to’o 11 Outubru 2024 ho Tema “ASEAN: Aumenta Konektividade no Rezilénsia”.
To’o iha Aeroportu Laos, Primeiru-Ministru simu hosi Embaixadór Timor-Leste iha Laos, Filomeno Aleixo da Cruz, akompana ho parada militár, Tersa (08/10/2024).
To’o iha fatin deskansa, simu hosi Vise Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, ekipa protokolu bá Simeira ASEAN, iha Otél Laôtel no Embaixadór Filomeno Aleixo atualiza kedan sekuénsia Simeira ASEAN nian. (*/Smnews)
Komentariu